اخبار

الكوري سون يبدع رفقة فريقه توتنهام

نستعرض معكم زوار موقع جريدة فكرة وي مميزات لاعب توتنهام هوتسبير الكوري الجنوبي سون، وذلك من خلال المقال التفصيلي التالي من خلال عدة نقاط.

لايجد مشاكل في فعل اي شئ ، هجومي او دفاعي ، يقدم مبدأ الكمالية في كل شئ و تحت اي ظرف ، مواصفات جناح متكامل و صعب جدا تلاقي انتاجية زيه ، حركيته و ديناميكيته ما هي الا تنفيذ امر عقلي معقد و لا يستطيع احد ان يقرأه ، سون النهاردة مش بس سجل الهدف ضد ليفربول ، سون بتحركه القطري سحب روبو و كوناتيه و قدر يفرغ مساحة التدرج لهاري كين بعد استلامه الكرة الطولية و مروره من ارنولد و في نفس الوقت قدر يفرغ ممر التمرير القطري من هاري كين الي سيسينيون ، و عشان هو مجتهد و حكم عقله في اللحظة دي و فرغ مساحتين في غاية الاهمية ، وجد نفسه امام المرمي بدون اي مراقبة ك مكافأة علي اجتهاده في تفاصيل صغيرة جدا لم يفهمها و لم يدركها مدافعين ليفربول .

سون  لا يفرق بين قدم قوية و قدم ضعيفة ، لا هو الاتنين شغالين بدون انقطاع و مش هتفرق عدلته تكون ازاي ، هيا اي شوطة من سون ف هيا خطيرة و هتعمل قلق ، مفيش حاجة اسمها يمينه اقوي من شماله و العكس ، لا هما الاتنين بيلعبوا بنفس القوة و الدقة و الشراسة ، عامل زي فان بيرسي كدة ، و عشان كدة سون عادل رقم فان بيرسي كاكتر لاعب سجل اهداف في البريميرليج بالقدم الاضعف ” Weak foot ” ، طبعا ده مسمي فقط و ليس موضوعا ، قدمه اليسري هيا الاضعف نظريا فقط ، سون سجل 12 هدف الموسم ده بالقدم الاضعف ” القدم اليسري ” عادل رقم فان بيرسي المسجل ب 12 هدف بالقدم الاضعف ” القدم اليمني ” في موسم 2011 / 2012 “.

سون دخل دائرة الكبار من حيث التسجيل ، سون اصبح اللاعب الحادي عشر هذا الموسم اللي قدر يسجل 20 هدف فيما فوق في الدوريات الخمس الكبري و تشارك مع هدافين فتاكين امثال ” ليفاندوفسكي + بنزيما + ايموبيلي + باتريك تشيك + مبابي + صلاح + فلاهوفيتش + هالاند + وسام بن يدر + تيريير ” ، تاخد التقيلة يا حب ؟ ، سون الوحيد اللي في القائمة المبجلة دي اللي مسجلش ولا هدف من ركلة جزاء ، كلهم سجلوا من ضربات جزاء ، ما عدا سوني اللي بيجن جنونه ده ، و ده يؤكدلك ان لو سون كان المسدد الاول لركلات الجزاء مع توتنهام ، كنا هنشوفه علي الاقل هداف بريميرليج فوق صلاح …

ويعدهو اسطورة لتوتنهامد، لذلك ف سون اصبح خامس لاعب يسجل 20 هدف في موسم واحد في البريميرليج لتوتنهام و دخل القائمة المبجلة دي ” تيدي شيرينجهام + يورجن كلينزمان + جاريث بيل + هاري كين ( 5 مرات ).

سون لو كان بيلعب في فريق من النخبة اللي بينافسوا علي الالقاب كل سنة و محتمل يخرج بلقب واحد علي الاقل في الموسم ، انا كنت هرشحه الموسم ده من افضل 5 لاعبين في العالم ، بس سيبكوا من الرسميات و البطولات و القوانين ، سون من افضل 5 لاعبين الموسم ده بدون ادني شك ، سون بيعيش حاليا افضل و اشرس نسخة في مسيرته الكروية.

 

1- في الانماط الهجومية ، و خصوصا في مراحل البناء ، معندوش مشكلة يروح علي اطراف الملعب و يكسب مواقف ال 1 علي 1 ، و معندوش مشكلة يركز مع تحركات هاري كين و يستني لحظة تفريغ المساحات عشان ينطلق بسرعة الصاروخ و يخلق لنفسه موقف انفراد صريح بالمرمي و ابقي قابلني لو لحقته ..

2 – في انماط التحول الهجومي السريع ، معندوش مشكلة يمسك هو الكورة و يبدأ بيها مرحلة التحول من الدفاع الي الهجوم و تحت تأثير الضغط العكسي ، و معندوش مشكلة برضه يهاجم مساحات الخصم الخلفية و ينتظر التمرير الطولي من هاري كين.

3 – في انماط التحول الدفاعي ” Retreats ” ، معندوش مشكلة يقطع مسافات طويلة و يساند مع الظهير و ينقذ مواقف التفوق النوعي للخصم ..

4 – في الانماط الدفاعية ، معندوش مشكلة يخضع لامور ال Low block و الغلق التام لاطراف الملعب كجناح متأخر و يحجم مساحات التدرج للخصوم ، و يدخل الثنائيات الارضية و يحاول يكسبها ..

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى